اسهل الطرق لحمايه نفسك من النصب فى اوروبا 

بعض الطرق لحمايه نفسك كمشترى من النصب فى اوربا

1-  حول الفلوس عن طريقpaypal لان فى هذه الحاله ممكن ترد فلوسك فى خلال مده من 10-12 يوم كامله اذا ارسلت للباى بال انه نصاب ولم يرسل لك بضاعتك واحيانا تكون المده اكبر وبيرجوا الفلوس
2- لو بتشترى من تاجر/شركه هتسلمك فى اوربا حاول التفاوض معهم عن طريق الدفع عن طريق شركه اسمها DB schenker واقصى مبلغ بيكون لحد 15 الف يورو بتدفعلهم وهمه بيستلموا وبدفعوا عند الاستلام وبيكونوا مسؤلين عن الدفع والتسليم مع التاجر وشركه معروفه فى المانيا
3- قبل اى شئ خش شوف موقع الشركه واعرف امتى تم شراء الدومين لو الدومين لسه جديد من كام شهر فى الاغلب ده نصب  وده ممكن تعمله عن طريق مواقع زى
https://de.godaddy.com/whois or http://whois.domaintools.com/
وغيرهم كتير لو عملت بحث ممكن تعرف المواقع الى بتديك معلومات زى امتى تم شراء الدومين او الايبى بتاعه وفحاله حسن نصاب اوربى فالموقع الى عامله لمنتجات الدى ام اشتراه 22.01.2020
4- خد صور المنتجات وابحث عنها على جوجل فى الاغلب هتلاقى انه الصور الى على صفحتها مطابقه بالضبط لصور من صفحات اخرى وده معناه انه فقط حاطط صور مسروقه 
5- اتاكد انه عنده رقم ضريبه القيمه المضافه VAT بالالمانى Umsatzsteuer-nummer عن طريق الموقع ده الى مسجل عليه كل ارقام الشركات الاوربيه  https://evatr.bff-online.de/eVatR/index_html
6- عن طريق موقع northdata.de تقدر تكتب اسم اى شركه فى المانيا هيطلعلك تاريخ انشا ئها ورقم السجل والعنوان و اسم مدير الشركه
وطبعا لو لقيت البيانات فى رقم 5 و6 صحيحه ابدا دور على النت يمكن حد سارق بياناتهم وهمه لهم موقع او وسيله اتصال اخرى
7- فى شركات ممكن تدفع عن طريقها زى paypal كتير وهيه بتوفرلك الحمايه فى حاله انه نصاب مثال شركه Klarna فحاول تدور على امكانيه الدفع عن طريقهم
8-لو انت هتستورد ممكن تتفق مع المورد وتروح البنك تقولهم انك عاوز تعمل Cash Against Document وفى الحاله ده المورد والمستورد البنك بيضمنلهم الفلوس والبضاعه وامان للطرفين لو المورد وافق طبعا
9- لا تثق فى المورد من اول تعامل مثال فى نصابين بيبعتوا عينات او كميات بسيطه من الطلبيه عشان يكسبوا ثقة العميل ويطلب كميات ويحول فلوس مبالغ كبيره
10- متقولش ان ده شركه المانيه او  انجليزيه البلاد ده مفهاش نصب او ده اكيد مش حسن النصاب مثلا حالات النصب بنفس الطرق مئات المرات كل يوم من جميع الجنسيات وفى الاغلب بيكونوا سارقين جوازات سفر فتحين بيها حسابات فى بنوك اونلاين  ولو لقيت خصومات كبيره ده يخليك دائما تشك اكتر
11- حاول تسال اى حد تعرفه  ثقه فى البلد الى هتشترى منها يساعدك فى التاكد من ان الشركه المرغوب فى التعامل معاها ده موجوده وان الشخص الى بيتواصل معاك هوه فعلا موظف فيها وانا شخصيا فى حالت اى حد محتاج مساعده فى المانيا للتاكد من بيانات شركه يبعتلى وان شاء الله احاول اساعده